Neymar, ein af stjörnum Paris Saint-Germain, virðist ekki geta beðið eftir því að fá að leika með Lionel Messi á nýjan leik. Argentínumaðurinn er genginn í raðir Parísarliðsins á frjálsri sölu.

Hinn 34 ára gamli Messi skrifar undir tveggja ára samning við PSG. Samningurinn er einnig með ákvæði um að framlengja hann til ársins 2024 ef aðilar hafa áhuga á slíku.

Messi mun þéna 5,2 milljarða íslenskra króna í laun á ári hjá PSG samkvæmt fréttum að utan.

Hann hefur spilað með Barcelona alla tíð og ætlaði að vera áfram, fjárhagstaða félagsins er slæm og gat félagið ekki framlengt við Messi.

Neymar birti mynd á Instagram þar sem má sjá hann og Messi fagna saman í búningi Barcelona, þar sem þeir léku saman áður. ,,Aftur sameinaðir,“ skrifaði Brasilíumaðurinn við myndina. Hana má sjá hér fyrir neðan.

Neymar is HYPED to be reunited with Lionel Messi at PSG 🥰 pic.twitter.com/Z3KAUJdYhK

— Goal (@goal) August 10, 2021