Reiknað er með að kjötneysla heimsbyggðarinnar aukist um 14% á þessum áratug og verði orðin 372 milljónir tonna. Aukningin er aðallega knúin áfram að aukinni neyslu í mörgum þróunarríkjum. Þetta hefur síðan i för með sér enn meiri losun gróðurhúsalofttegunda.

 Það eru OECD og FAO sem hafa reiknað aukningu kjötneyslu út fram til 2030. Aukningin byggist á sífelldri fólksfjölgun og hærri tekjum fólks sem gera að verkum að sífellt fleiri hafa efni á að kaupa kjöt. Reiknað er með að árleg kjötneysla verði orðin 35,4 kíló að meðaltali á hvern jarðarbúa árið 2030.

Reiknað er með að neysla á fuglakjöti aukist um tæp 18%, neysla á svínakjöti um 13% og á nautakjöti um 6%.