Jordan Pickford gæti tekið víti á Evrópumótinu í knattspyrnu ef leikur Englendinga gegn Úkraínu í 8-liða úrslitum endar í vítaspyrnukeppni.

Fyrir 25 árum klúðraði sjálfur Gareth Southgate vítaspyrnu á Evrópumótinu árið 1996. Hann hefur þó aldrei tapað vítaspyrnukeppni sem stjóri liðsins.

Pickford var hetjan í vítaspyrnukeppni bæði gegn Kólumbíu og Sviss og tók meira að segja víti gegn Sviss fyrir tveimur árum. Hann sendi Yann Sommer þá í vitlaust horn og varði svo sjálfur víti og tryggði þar með Englendingum þriðja sæti í Þjóðadeildinni.

Daily Mail segir að Pickford hafi heillað þjálfara með öryggi sínu á vítapunktinum á æfingum í vikunni og verður á blaði ef Englendingar þurfa að fara í vítaspyrnukeppni gegn Úkraínu.

“Vonandi þurfum við ekki að taka þátt í vítaspyrnukeppni á þessu móti, en ef við gerum það þá verðum við undirbúnir,” sagði Pickford við hlaðvarpsþátt enska landsliðsins.

“Ég æfi mig reglulega að taka spyrnur. Maður þarf að vera til staðar fyrir liðið ef það er kallað á mig. Ég mun stíga upp og taka spyrnu,” sagði Pickford við hlaðvarpsþátt enska landsliðsins.

Þá telur Daily Mail einnig að enska landsliðið hafi æft vítaspyrnur eftir næstum hverja einustu æfingu frá því í september á síðasta ári. Það hefur þó verið aukin áhersla á það síðustu vikuna.