Sigga Dögg kynfræðingur svarar spurningum lesenda DV í næstu tveimur helgarblöðum.

Hún er landsmönnum vel kunn enda hefur hún um árabil frætt unga sem aldna um kynlíf og allt sem því við kemur. Til að mynda hefur hún starfað við kynfræðslu í grunn- og framhaldsskólum í yfir áratug.

Sigga Dögg er með meistaragráðu í kynfræði frá Curtin-háskóla í Ástralíu þaðan sem hún útskrifaðist 2010. Hún hefur meðal annars gefið út handbókina Kjaftað um kynlíf og skáldsögurnar kynVera, sem fjallar um unglingsstúlkuna Veru, og skáldsöguna Daði sem fjallar um unglingspiltinn Daða.

Hún leysir tímabundið af Kristínu Tómasdóttur fjölskyldumeðferðarfræðing sem sér um Fjölskylduhornið hjá DV og svarar þar spurningum lesenda, en Kristín er um þessar mundir að fjölga mannkyninu og sendir DV henni og fjölskyldunni kærar kveðjur.

Þau sem hafa spurningu til Siggu Daggar sem þeir vilja fá svar við í blaðinu geta sent póst á sigga(at)siggadogg.com – merkt „Kynlífshorn DV.“ Fullum trúnaði heitið.

Sjá einnig: Kynlífsráð á tímum COVID-19: Nú er tími til að taka upp tólið

Sjá einnig: Áhugaverðar niðurstöður typpakönnunar Siggu Daggar: 90 prósent karla hafa mælt lengdina á typpinu sínu