Andrea Magnúsdóttir fatahönnuður og eigandi hinnar vinsælu verslunar Andrea hyggst nú færa út kvíarnar og opna skóbúð steinsnar frá vinsælli verslun sinni í Hafnarfirði. Andrea hefur fest kaup á sögulega húsnæði við hlið Byggðarsafnsins á Vesturgötu undir verslunina.
Stílistar landsins halda niðri í sér andanum því ef Andrea er til einhvers vís þá er það að sjá landsmönnum fyrir lekkerheitum.
Andrea sem er annáluð Samfélagsmiðlastjarna hefur lítið birt frá framkvæmdunum eða fyrirhuguðum hugmyndum sínum á samfélagsmiðlum. Eiginmaður Andreu er listasmiður og vinnur nú hörðum höndum að því að fínisera verslunina sem opnar á næstu vikum.
