Faðir elskaði son sinn frá augnablikinu sem hann sá hann fyrst. Hann og eiginkona hans ákváðu að ættleiða eftir að hafa reynt að eignast barn í nokkur ár.

Ættleiðingarstofan tengdu John og Laylu við „asískt par“ sem gat ekki hugsað um son sinn. Kidspot greinir frá. Nöfnum hefur verið breytt.

John sagði sögu þeirra á Reddit sem varð síðar breytt í myndband á TikTok sem vakti gríðarlega athygli.

„Við fullvissuðum parið að við myndum elska barnið. Sem var sannleikurinn því við elskuðum hann samstundis,“ segir John.

En eftir átta mánuði byrjuðu þau að fá samviskubit. Ekki vegna þess að þau hafi ættleitt son sinn. Því þeim fannst að þau, hvítt vestrænt par, væru að svipta son sinn menningararfi sínum.

„Fullkomni kínverski sonur okkar myndi alast upp á hvítu heimili með tveimur aulum,“ sagði John.

Þau ákváðu að kynna son sinn fyrir eins mikilli kínverskri menningu og þau gátu. Þau skráðu hann í tíma mandarín-kínversku, eignuðust kínverskt vinapar sem urðu eins konar „frænka og frændi“ sonar þeirra.

„Við fórum meira segja í fjölskylduferðalög til Kína á nokkurra ára fresti,“ segir hann.

Sannleikurinn

Það liðu hins vegar sautján ár þar til John og Layla komust að sannleikanum. Sonur þeirra var að sækja um háskóla og fjölskyldan þurfti að fylla út alls konar umsóknir og eyðublöð.

„Ég var að leita að einhverjum pappírum á skrifstofunni minni og rakst á ættleiðingarskjölin hans, og þá sá ég það. Eitthvað svo augljóst, eitthvað svo hræðilega greinilegt, eitthvað sem hvorki ég né eiginkona mín höfðum áttað okkur á,“ segir John.

„Nöfn líffræðilegra foreldra hans voru Park og Kim (skrifað á kóresku). Sonur okkar er kóreskur.“

Þannig sonur þeirra var sautján ára af kóreskum ættum, ólst upp með hvíta foreldra og talar reiprennandi kínversku.

@mrsmedeiros##reddit ##tifu ##happynewyear♬ Reddit Stories Part 2 – Mrs. Medeiros

John sagði ekki frá því hvernig sonur hann tók fréttunum, en TikTok hafði ýmislegt að segja um sögu John og sonar hans.

„Gaur, hann hefði getað lært kóresku, það er svo miklu auðveldara,“ sagði einn.

„Hann á eftir að komast í Harvard með þessa sögu, svo það er allavega eitthvað,“ sagði annar.

„Þetta er hræðilegt – en hugsunin á bak við þetta var allavega jákvæð þó hún hafi verið vitlaus,“ sagði sá þriðji.