The Guardian skýrir frá þessu. Fram kemur að Bailey hafi fundað með fjárlaganefnd þingsins um málið og þar hafi hann sagt að ef samningar nást ekki fyrir áramót muni það hafa mikil áhrif á viðskipti Breta og ESB og skaða samband stjórnvalda í Lundúnum við ESB.
Hann sagði einnig að heimsfaraldur kórónuveirunnar með tilheyrandi sóttvarnaaðgerðum væri að hafa mjög mikil áhrif á breskan efnahag til skamms tíma og vék síðan að langtímaáhrifunum sem hann sagðist telja verða mun meiri af Brexit en af völdum kórónuveirunnar. „En . . . það væri betra að vera með viðskiptasamning, já, það er engin spurning,“ sagði hann.
Eins og staðan er núna stefnir í að samningar náist á milli Breta og ESB um tollamál en embættismenn vilja ekki útiloka að samningar náist ekki en telja þó meiri líkur en minni á að samningar náist.
