Þó það sé lítið eftir af október og aðeins fáir dagar þangað til allar laxveiðiárnar loka, er ennþá mokveiði í Eystri Rangá. En í fyrradag veiddust 97 laxar í ánni sem verður að teljast meiriháttar góð veiði á þessum árstíma. Veðin í ánni er komin vel yfir 9000 laxa sem slær öll met þar á árbakkanum.
,,Veiðin gekk frábærlega, ég fékk 22 laxa á stöngina og þeir fengust allir á flugu,“ sagði Róbert Nowak sem var í sínum síðasta veiðitúr á sumrinu og veiðin var frábær í Eystri Rangá.
,,Þetta gekk vel og ég veiddi mest á fluguna sem ég hafi hnýtt kvöldið áður fyrir veiðitúrinn, hún gaf vel. Það var kalt fyrst um morguninn þegar ég var að byrja veiðina en hlýnaði svo og þá fór fiskurinn að gefa sig. Um tíuleytið byrjaði fiskurinn að gefa sig, byrjaði á Tunguvaði og þar var mikið af fiski. Þetta var mjög skemmtilegur dagur og fullt af fiski,“ sagði Robert ennfremur um síðasta veiðitúr sumarins sem gaf 22 laxa. Og október er að verða búinn.
Mynd. Robert Nowak með flottan lax en hann veiddi 22 laxa á einum degi í Eystri Rangá i fyrrdag. Á hinni myndinni má sjá fluguna sem gaf Robert mest af laxi sem hann hnýtti daginn fyrir veiðitúrinn.
