Maci er rétt rúmlega 208 cm á hæð. Hún hefur alla tíð vitað að hún sé hávaxnari en flestir en datt aldrei í hug að hún gæti slegið heimsmet. Hún sló bæði heimsmet sem unglingurinn með lengstu leggina og kvenmaðurinn með lengstu leggina.
„Ég var í alvöru í sjokki,“ segir Maci við People á föstudaginn.
Hún sagðist hafa sótt um viðurkenningu eftir heimsmeti hjá Heimsmetabók Guinness í djóki og það hafi komið henni verulega á óvart að hafa slegið tvö heimsmet.
Vinstri fótur hennar er 135 cm og hægri fótur hennar er aðeins styttri, 134 cm.
„Ég lít á það sem gjöf að vera hávaxin. Þú þarft að taka því opnum örmum og lifa lífinu, því þú ert ekki að fara að minnka,“ segir hún.
Því miður hefur hún ekki alla tíð verið svona örugg, hún var lögð í einelti í grunnskóla og krakkar líktu henni við gíraffa.
„En núna er ég eins konar forstjóri gíraffa og ég hef snúið þessu við í eitthvað jákvætt. En þetta særði mig, sem betur fer átti ég stuðningsríka vini sem hjálpuðu mér í gegnum grunnskólann,“ segir hún.
TikTok
Maci heldur úti vinsælum TikTok-aðgang með tæplega tveimur milljón fylgjendum.
„Mig langar að vera innblástur fyrir aðrar hávaxnar stelpur, það er aðalatriðið,“ segir Maci.
Hana langar að reyna fyrir sér sem fyrirsæta og ætlar í viðskiptafræði í háskóla, í von um að geta opnað fatabúð fyrir mjög hávaxnar stelpur eins og hana.
@_maci.cCringey content✌🏻 ##OnlineSchool ##ProveWhatsPossible ##fyp♬ I Am TALL – Hannah Stocking