Halli Hallssyni, fjölmiðlamanni og þjóðfélagsrýni, ofbýður ný opnumynd á Facebook-síðu Kirkjunnar. Gefur þar að líta mynd af Jesú Kristi með brjóst.

Vefur Morgunblaðsins fjallaði um málið í dag og varð Pétur G. Markan, samskiptastjóri Þjóðkirkjunnar, fyrir svörum. Segir Pétur myndina endurspegla fyrst og fremst samfélagið sem við búum í.

„Hug­mynd­in að mynd­efn­inu er að fanga sam­fé­lagið sem við öll vilj­um til­heyra; rétt­látt, for­dóma­laust og kær­leiks­ríkt um­hverf­ismiðað sam­fé­lag sem ein­blín­ir á kær­leiks­boðskap Jesú Krists í stað þess að hengja sig í hvers kyns hann hafi verið. Það skipt­ir ekki máli. Kannski var hann eft­ir allt sam­an „non­bin­ary“ trans Jesús eða kona. Það bara skipt­ir engu máli. Það sem skipt­ir máli er kær­leik­ur­inn og hvernig hann sí­fellt lagði lög­málið til hliðar og ein­blíndi á kær­leik­ann, mann­v­irðingu og ein­ingu allra í and­an­um,“  segir Pétur í samtali við Morgunblaðið.

Skiptir engu máli hver Jesús er?

Halli er brugðið yfir þessari myndnotkun og spyr í Facebook-færslu hvort foreldrum sé óhætt að senda börn sín í sunnudagaskóla Þjóðkirkjunnar. „Hvernig koma þau til baka?“ spyr Hallur.

Halli blöskrar sú afstaða að Péturs að það skipti ekki máli hver Jesús var. „Jesús sumsé var eitt af 52 kynjum sem börnum er kennt að velja af “sannleikstré” Þjóðkirkjunnar … börn eru ekki lengur bara strákar & stelpur?“ segir Hallur en pistill hans er eftirfarandi:

Hvað er hægt að segja um Þjóðkirkjuna? Jesús trans …

“Kirkjan vill ekki hengja sig í hver Jesús var,” segir samskiptastjóri Kirkjunnar. “Það skipt­ir ekki máli. Kannski var hann eft­ir allt sam­an „non­bin­ary“ trans Jesús eða kona. Það bara skipt­ir engu máli.”

Þá hafið þið það … það skiptir engu máli hver Jesús var … Jesús sumsé var eitt af 52 kynjum sem börnum er kennt að velja af “sannleikstré” Þjóðkirkjunnar … börn eru ekki lengur bara strákar & stelpur?

Annar trúmaður, Gunnar Þorsteinsson, kenndur við Krossinn, tekur í sama streng og skrifar: „Boðar Þjóðkirkjan annan Krist en þann sem Biblían boðar?“