„Af því flestir vinir mínir tala ensku, margir ekki íslensku, og ég vildi útskýra skyndilegt brotthvarf fyrir þeim svo enginn héldi að ég hefði hrokkið upp af.“

48 læk

Gunnar Hrafn Jónsson útskýrir fyrir Páli Þorgeirssyni af hverju hann greindi frá því á ensku að hann væri á leið í áfengismeðferð eftir að hafa fallið á bindindi sínu. Greindi Píratinn frá því að hann hefði verið nálægt því að svipta sig lífi.

—

„Ég finn til með þessum manni! Hann þarf frekar meðferð en þungan dóm!“

9 læk

Kolbrún Þórisdóttir tjáði sig um myndskeið af árás Ágústs Guðmundssonar á afgreiðslufólk í Taílandi. Hann úðaði piparúða á starfsmennina eftir að hafa verið neitað um áfengi. Utanríkisráðuneytið aðstoðar Ágúst í raunum hans.

—

„Er ekki bara upplagt að Dagur svari þessum pistli hennar Ragnheiðar og græji þessa meinsemd hjá Borginni strax með endurgreiðslu og miðum í rúðurnar hjá þessu fárveika fólki.“

5 læk

Gummi og Dista tjáðu sig við frétt DV sem greindi frá því að fjölskyldufaðir, sem glímir við krabbamein, hafi greitt um 60 þúsund í bílastæðagjöld við Landspítalann.

—

„Það að ofsækja fólk að heimilum þeirra, þar sem börn eru til staðar er ljótur blettur. Samfylkingarfólk þorði ekki að slá skjaldborg um ofsóttan einstakling sem sætti pólitískum ofsóknum.“

7 læk

Eiríkur Stefánsson við frétt um að aðförin að heimili Steinunnar Valdísar væri ljótur blettur á íslenskri stjórnmálasögu. Steinunn greindi frá því í vikunni að nafngreindir menn hefðu hvött aðra karlmenn til að nauðga henni og vakti það mikla athygli.

—

„Hægrimenn fá sér kók, vinstrimenn fá sér gras og miðjumennirnir taka í nefið. Þegar allir hittast þá er svo fengið sér í glas.“

8 læk

Hallgeir Ellýjarson um frétt DV þar sem Katrín Jakobsdóttir forsætisráðherra þvertók fyrir að hafa verið undir áhrifum áfengis í þætti Gísla Marteins. Bjarni Benediktsson, Sigurður Ingi og Katrín voru afar hress í settinu, svo hress að sumir áhorfendur töldu þau vera undir áhrifum áfengis. „Þetta heitir að vera „high on life“,“ sagði Katrín í samtali við DV.