Drífa Snædal, forseti ASÍ, hefur alla tíð brunnið fyrir verkalýðsbaráttunni og segir hana vera mest spennandi pólitíkina. Hún segir Íslendinga standa í mikilli þakkarskuld við það erlenda verkafólk sem hefur komið hingað til að hjálpa okkur að snúa hjólum atvinnulífsins. Drífa er í forsíðuviðtali í nýju helgarblaði DV.
Drífa Snædal hafði verið í Vinstri grænum í 18 ár, verið varaþingmaður og framkvæmdastjóri flokksins, þegar hún sagði sig úr honum eftir síðustu alþingiskosningar og sagði ríkisstjórnarsamstarf með Sjálfstæðisflokknum „eins og að éta skít“. Hún er enn mjög sátt við þá ákvörðun. „Já, ég er sátt og get í fullri hreinskilni sagt að ég veit ekki hvað ég mun kjósa í næstu alþingiskosningum. Mér finnst alvarleg pólitísk staða að vera ekki með neinn róttækan vinstri flokk sem getur togað pólitíkina til vinstri. Það er búið að „neutralisera“ Vinstri græn að einhverju leyti með því að flokkurinn sé í ríkisstjórn. Þar er verið að gera ýmsar málamiðlanir sem maður sér ekki á yfirborðinu. Það á aldrei að vanmeta stjórnarandstöðuflokka sem geta dregið umræðuna í rétta átt. Mér finnst stjórnarandstaðan á þingi nú heldur ekki vera beysin. Mér líður vel að vera utan flokka,“ segir hún.
Reglulega kemur upp umræða um hvort verkalýðshreyfingin ætti ekki að stofna nýjan stjórnmálaflokk en Drífa er ekki á þeirri línu. „Af þeirri einföldu ástæðu að ég veit hvernig flokkapólitík getur farið með fólk og farið með samstöðu. Ég held að slíkt myndi draga úr samstöðu innan verkalýðshreyfingarinnar. Auðvitað eru margir innan hreyfingarinnar flokksbundnir hinum ýmsu flokkum og það þarf ekkert að vera verra.“
Viðtalið í heild sinni má lesa í nýjasta DV.
Saga smálánafyrirtækja spannar aðeins rúman áratug en er æði skrautleg. Tilraun- um ríkisins til að koma böndum á starfsemina er svarað með klækjabrögðum. Smá- lán standa enn til boða í dag, þótt okurvextirnir í upphafi séu vissulega horfnir. Farið er yfir ævintýralega sögu smálána á Íslandi í blaðinu en það nýjasta er skráð til húsa á sama stað og DV.
Blaðamaður DV var sendur í súkkulaðinudd þar sem hann var nuddaður upp úr súkkulaðimassa og kókosolíu. Við bókun gleymdist að taka fram að gestur ætti að koma með sundföt og handklæði og fékk blaðamaður því pappírsnærbuxum úthlutað til að klæðast í nuddinu. Allt um súkkulaðinuddið í nýjasta blaðinu.
Pistlahöfundurinn Björn Jón Bragason heldur áfram yfirferð sinni um framboðsmál flokkanna vegna alþingiskosninga á næsta ári. Hann tekur nú fyrir Vinstri græn og Samfylkinguna.
Blaðið er stútfullt af áhugaverðu efni og fastir liðir á sínum stað, svo sem Tímavélin, Á ferð um landið, krossgátan, stjörnuspáin, Eldað með Unu og fjölskylduhornið.
Einfalt er að gerast áskrifandi með þvi að smella hér.
