Jordan Henderson, fyrirliði Liverpool, vill tileinka Steven Gerrard deildarmeistaratitilinn sem vannst á dögunum.
Liverpool var að vinna ensku úrvalsdeildina í fyrsta sinn en liðið var einnig nálægt því árið 2014 er Gerrard var fyrirliði liðsins.
,,Þessi titill er persónulegur fyrir mig og að gera þetta fyrir Stevie er mjög stórt. Ég veit hversu þýðingarmikið það væri fyrir hann að vinna titilinn,“ sagði Henderson.
,,Hann er svo ánægður fyrir okkar hönd. Ég hef rætt við Stevie og ræði aftur við hann á næstu dögum en það sem hann hefur gert fyrir okkur og liðið er svo mikilvægt.“
,,Ég var miður mín árið 2014 þegar við komumst ekki yfir línuna en ég veit að hann er svo ánægður og stoltur.„
