Jurgen Klopp stjóri Liverpool er eins og aðrir meðvitaður um það að sigur Liverpool í ensku úrvalsdeildinni er í höfn.

Liverpool þarf tvo sigra í níu leikjum til að vinna deildina ef Manchester City vinnur alla sína leiki.

Ensk félög hafa hafið æfingar eftir níu vikna hlé vegna kórónuveirunnar, deildin verður spiluð fram í lok júlí en þá kemur stutt hlé áður en næsta tímabil hefst.

Klopp er því núna byrjaður að æfa og hugsa fyrir næsta tímabil. „Við erum að keyra upp ákefðina, við þurfum að vera í formi þegar þetta byrjar 19 eða 20 júní,“ sagði Klopp.

„Þetta eru þrjár vikur sem við höfum og það er gott, þetta er okkar undirbúnignstímabil. Við fáum lítið sem ekkert hlé á milli tímabila. Þetta er mikilvægur tími.“

,,Við höfum aldrei fengið níu vikur í frí frá fótbolta í okkar lífi, þetta er öðruvísi.“