Arndís lét gamlan draum rætast þegar hún opnaði tískuverslun í Firðinum
Föstudaginn 27. október var opnuð ný og glæsileg verslun í Firðinum í Hafnarfirði. Hjónin Arndís Helga Ólafsdóttir og Gunnbjörn Viðar Sigfússon létu gamlan draum rætast þegar þau opnuðu sína fyrstu verslun en bæði eru þau Hafnfirðingar í húð og hár.
Í versluninni, sem heitir 4 YOU, býðst gott úrval af vandaðri tísku og snyrtivöru, en sjálfa dreymir Arndísi um að gerast hönnuður einn daginn.
„Til að byrja með urðu fjölskyldan og fólkið í kringum okkur pínu hissa á því að við vildum opna tískuvöruverslun en eftir að boltinn fór að rúlla hefur þetta gengið eins og í góðu ævintýri. Þetta er bara byrjunin, fyrsta skrefið í rétta átt,“ segir Arndís sem hyggst einnig opna netverslun fyrir jólin.
„Við leggjum mesta áherslu á að bjóða fatnað fyrir konur sem eru þrítugar og upp úr,“ segir Arndís sem ætlar að leggja mikið upp úr persónulegri og góðri þjónustu í 4 YOU en ásamt henni sjálfri munu vinkonur hennar standa vaktina í Firðinum.
Í versluninni býðst feikigott úrval af vönduðum merkjum en Arndís er hvað ánægðust með Kaffe Clothing sem hún segir henta konum á öllum aldri. „Kaffe hefur alveg slegið í gegn hjá okkur enda frábær hönnun sem ég er mjög ánægð með að hafa tekið í sölu,“ segir hún stolt. Hjá 4 YOU er einnig að finna fatnað frá meðal annars; KY dress Milano, Esther Queen, Urban Mist og fleiri framleiðendum, aðallega frá Ítalíu. Þá býður hún einnig mikið úrval af fylgihlutum; trefla, húfur, hanska og veskin frá Infinity.
Þá býðst einnig mjög gott úrval af snyrtivöru í 4 YOU en Arndís er meðal annars í samstarfi við snyrtivöruverslanirnar Deisymakeup og Daríu. „Frá Daríu kemur til dæmis gyllta olían frá Muddy Glow Skin sem inniheldur hvorki meira né minna en 24 karata gull og tannhvíttunin frá Carbon Coco sem er rosalega vinsæl hjá okkur. Það sama má segja um vöruúrvalið frá Deisymakeup sem er hannað af Ásdísi Ingu Helgadóttur en hún hefur til dæmis algjörlega slegið í gegn með Dermacol make-up hyljarann sem felur húðflúr fullkomlega og það sama má segja um vörurnar frá Divu sem margir þekkja frá Deisymakeup,“ segir Arndís að lokum.
