Liv Bergþórsdóttir hefur verið ráðin forstjóri ORF Líftækni og tekur við starfinu um næstu mánaðarmót samkvæmt tilkynningu. Liv var áður forstjóri Nova og sat í fjölda stjórna, þar á meðal flugfélagsins WOW.

Hún tekur við af Frosta Ólafssyni sem óskaði eftir að láta af störfum í febrúar.

Liv leiddi uppbyggingu fjarskiptafyrirtækisins Nova frá stofnun þess árið 2006 fram á mitt ár 2018. Fyrir þann tíma var hún meðal annars framkvæmdastjóri farsímafyrirtækisins Sko, framkvæmdastjóri sölu- og markaðssviðs Og Vodafone og Tals. Undanfarin ár hefur Liv jafnframt setið í stjórnum fjölda fyrirtækja á Íslandi og erlendis. Liv er viðskiptafræðingur frá Háskóla Íslands og hefur lokið AMP námi við IESE Barcelona Business School,

segir í tilkynningu.

Orf Líftækni sérhæfir sig á sviði plöntulíftækni og framleiðir prótein sem notuð eru í Bioeffect húðvörur, auk þess að vinna að rannsóknum og þróunarverkefnum, en um 70 manns starfa hjá fyrirtækinu.