Paul Scholes telur að staðsetning Martin Ødegaard á vellinum hafi hamlað titilbaráttu Arsenal á þessu tímabili.

Scholes segir fyrirliða Arsenal of oft spila of djúpt á miðjunni og þannig draga úr sóknarþunga liðsins. Að hans mati er norski miðjumaðurinn ekki nýttur rétt.

„Ég elska Ødegaard, hann er frábær tæknilega, en hann spilar ekki sína stöðu rétt,“ sagði Scholes.

„Oft var hann nánast dýpsti miðjumaðurinn þegar ég horfði á Arsenal. Hann á að vera framar á vellinum.“

Fyrrum miðjumaður Manchester United telur að með þessu missi Arsenal tenginguna á milli miðju og sóknar. Hann segir Ødegaard eiga að vera í hefðbundnu númer tíu hlutverki þar sem hann geti nýtt sköpunarkraft sinn betur.

Scholes bætti við að fjarvera Bukayo Saka hafi einnig haft áhrif þar sem samspil hans við Ødegaard sé lykilatriði í sóknarleik Arsenal.