Finch Farm æfingasvæði félagsins og skrifstofur félagsins í miðborg Liverpool er enn lokað, vegna kórónuveirunnar.

Einn leikmaður Everton fann fyrir einkennum en ekki hefur komið fram hvort leikmaðurinn sé smitaður.

Búist er við að æfingasvæðið og skrifstofan verði opnað undir lok vikunnar en búið er að sótthreinsa allt.

Leikmenn Everton og þjálfarateymi liðsins eiga áfram að vera í sóttkví, þar á meðal er Gylfi Þór Sigurðsson leikmaður félagsins. Liverpool Echo segir frá.

Gylfi og félagar voru sendir í sóttkví undir lok síðustu viku og eiga að æfa heima hjá sér. Enska úrvalsdeildin er í pásu vegna veirunnar.