„Einhverra hluta vegna kemst hann upp með allan fjárann,“ segir Sigurjón og kemur með dæmi. „Nær sér alltaf í stuðningsfólk. Héðan og þaðan. Nú hefur opinberast að hann tók peninga úr einum af sjóðum þjóðarinnar; Ofanflóðasjóði og nýtti þá í eitthvað allt annað. Eyrnarmerkta peninga.“
Svo virðist vera sem Sigurjón treysti ekki Bjarna. „Svona gaurum er bara ekki treystandi,“ segir hann. „Virða ekkert og hirða ekkert um rangt eða rétt. Ef Bjarni væri gjaldkeri húsfélags er honum treystandi til að nota hússjóðinn til einhverra hluta sem koma sjóðnum ekkert við. Svona gangsterar eru til. Þeir eru erfiðir og einatt til vandræða. Svo vill Bjarni fá allan hagnaðinn af Landsvirkjun í það sem hann kallar Þjóðarsjóð. Ef af verður, hvað þá? Þetta er allt ótrúlegt.“
Sigurjón segir þjóðina vilja fá varnir gegn snjóflóðum. „Það fólk sem samþykkti alræði Bjarna yfir Ofanflóðasjóði verða að bæta fyrir afglöpin og frelsa sjóðinn úr höndum Bjarna,“ segir Sigurjón og veltir því fyrir sér hvort Bjarna sé treystandi fyrir peningum. Hann svarar því þó í næstu setningu. „Nei, er svarið.“
