Samkvæmt úttekt OECD á heilbrigðisútgjöldum ver Ísland 8.3 prósentum af vergri landsframleiðslu til heilbrigðismála. Meðaltalið hjá OECD ríkjunum er 8.8 prósent. Greint er frá þessu í Læknablaðinu.

Öll Norðurlöndin verja meira fé til málaflokksins en Ísland, en Bandaríkin verja 16.9%, Sviss 12.2% og Þýskaland og Frakkland 11.2%.

1. Svíþjóð 11%,
2. Danmörk 10,5%
3. Noregur 10,2%
4. Finnland 9,1%
5. Ísland 8.3%

Hefur heilbrigðisráðherra sagt að stefna ætti að nálgast Norðurlöndin í þessum efnum, um 15 prósent.

Greiða minna

Samkvæmt gögnum OECD þurfa Íslendingar að greiða minna úr eigin vasa en aðrir íbúar Norðurlandanna fyrir sína heilbrigðisþjónustu, eða að meðaltali 96 þúsund krónur. Norðmenn greiða 110 þúsund krónur, Danir 102 þúsund og Finnar 128 þúsund að meðaltali.

Þá eru heildarútgjöldin einnig lægri hér á landi per einstakling, en allra Norðurlandanna nema Finnlands.

Kostnaður per einstakling hér á landi er 535 þúsund krónur, og þar af er hlutur ríkisins 439 þúsund krónur.

 „Oft er nefnt að heilbrigðiskerfið sé meiri baggi á þjóðinni vegna þess hve við erum fá, en það sést þegar féð er brotið niður á hvern einstakling í íslensku samfélagi að við erum einfaldlega ekki að gera nóg,“

segir Reynir Arngrímsson, formaður Læknafélags Íslands um þetta og telur að enn vanti um 30-50 milljarða króna í fjárlögin til heilbrigðismála:

„Afleiðingarnar eru öllum augljósar, óviðunandi biðlistar, hætta á fjölgun alvarlegra atvika og minnkandi gæði.“