Ég verða að viðurkenna að ég vissi ekki hvað svartur föstudagur er fyrr en ég fór til Bandaríkjanna á þessum árstíma fyrir ekki ýkja mörgum árum. Nú hefur hann rutt sér til rúms á Íslandi með ógurlegum látum. Við erum líka komin með það sem heitir „cyber Monday“,

Í Bandaríkjunum er svarti föstudagurinn dagurinn eftir þakkargjörðarhátíðina. Þá ryðjast íbúar þessa mesta neyslusamfélags veraldarinnar inn í búðir, það kemur jafnvel til stympinga og slagsmála, en afslættirnir eru ógurlega stórir.

Á Íslandi er ekki hefð fyrir slíkum afslætti, en það er ábyggilega hægt að gera góð kaup. Í fyrra var sagt að jólaverslun í desember hefði verið minni en ella vegna þess að kaupgjöðustu og forsjálustu neytendurnir voru búnir að kaupa allt á svarta föstudeginum.

Hér má sjá forsíður blaðanna í morgun. Maður tekur eftir því að alls staðar er notað bandaríska heitið „Black Friday“. Ég ætla svosem ekki að mælast til þess að notð sé orðið „blökkudagur“ sem má finna á nýyrðavef stofnunar Árna Magnússonar. Þá er nú „svartur fössari“ miklu betra.