Samkvæmt samningi um alþjóðleg skattalög sem Ísland er aðili að, þurfa stórfyrirtæki með yfir 750 milljóna evra heildartekjur á ári, að veita skattayfirvöldum víðtækar upplýsingar um fjármál sín í öllum þeim löndum sem þau starfa, í ítarlegri skýrslu.
Til dæmis um fjárhæð hagnaðar fyrir tekjuskatt, tekjuskattsgreiðslur í öllum löndum sem fyrirtækið starfar í, skráð hlutabréf og hvert sé óráðstafað eigið fé sé og hvar það er geymt. Eru þetta mun víðtækari upplýsingar en krafist er af fyrirtækjum hér á landi og á að gefa skattayfirvöldum heildaryfirsýn yfir starfsemi stórfyrirtækja sem starfi á erlendum vettvangi.
Samherji fellur ekki undir þessi viðmið. Fyrirtækið rétt sleppur, ef svo má segja, samkvæmt fréttaskýringu Kjarnans.
Ef tekjur Samherja hefðu vaxið um 1.7 prósent á þessu ári, hefði Samherji fallið undir þessi viðmið og þurft að upplýsa skattayfirvöld um fjármál sín í öllum þeim löndum sem fyrirtækið starfar, líka í Namibíu og á Kýpur.
Það hinsvegar gerðist ekki, því Samherja var skipt upp í tvö félög í fyrra og er það helsta ástæða þess að fyrirtækið fellur ekki undir viðmið samningsins sem Ísland er aðili að.
Þar með þurfti Samherji ekki að skila svokallaðaðri ríki-fyrir-ríki skýrslu fyrir árið 2018, þar sem um tvö sjálfstæð fyrirtæki er að ræða, með veltu töluvert undir viðmiðunarmörkum.
Lesa má nánar um málið í Kjarnanum.
