„Heildarlausnir í viðhaldi bílastæða,“ stendur á stóru skilti sem ég sá áðan við Sæbrautina.

Í nútímamáli eru lausnir orðnar mjög útbreiddar. Það virðist vera hægt að finna lausn á öllu.

Sendiferðabíll keyrði framhjá mér um daginn með áletruninni Raflausnir. Í símaskránni má finna Grænar lausnir, Baðherbergi og lausnir, Glugga lausnir, Aktiva lausnir, Hansa lausnir, Einfaldar lausnir, Nýjar lausnir og Betri lausnir.

Að ógleymdri lögmannsstöfunni Lausnir. En sem betur fer er ekki til fyrirtækis sem heitir Endanlegar lausnir.

Um daginn rakst ég á bækling fá fyrirtæki sem auglýsti „kaffilausnir“ og að auki „lausnir í brauðum“, ég hef líka rekist á „skapandi lausnir í brauði og sætmeti“.  Þetta er í sama anda og fyrirtæki sem auglýsir á netinu frábærar „lausnir í þrifum“.