Samkvæmt heimildum 433.is reynir Breiðablik nú að fá Róbert Orra Þorkelsson, leikmann Aftureldingar.
Róbert er með samning út næstu leiktíð og því þarf að kaupa hann frá Aftureldingu, fleiri félög en Breiðablik hafa áhuga.
Róbert er mikið efni en hann er fæddur árið 2002 og er því aðeins 17 ára gamall. Hann getur spilað sem kant og miðjumaður.
Óskar Hrafn Þorvaldsson, nýr þjálfari Breiðabliks hefur sett Róbert á óskalista sinn sem inniheldur talsvet af ungum leikmönnum.
Róbert hefur leikið 23 leiki fyrir yngri landslið Íslands og var einn af betri mönnum Aftureldingar í sumar.