Áhugafólk um endurreisn verkalýðshreyfingarinnar heldur baráttu og samstöðufund á morgun, í samvinnu við fólk úr grasrót Eflingar – stéttarfélags sem ætlar að bjóða fram lista í stjórnarkjöri félagsins. Formannsefni listans er Sólveig Anna Jónsdóttir, starfsmaður á leikskóla, en aðrir frambjóðendur til stjórnar verða kynntir á fundinum. Yfirskrift fundarins er: Vor í Verkó.
Endurreisum verkalýðshreyfinguna undir nýrri forystu! Verkafólk, kjósum forystu sem talar máli félagsmanna! Kjósum forystu sem mun berjast fyrir hagsmunum launafólks og almennings! Veljum okkur forystu sem mun endurreisa verkalýðshreyfinguna sem öflugt baráttutæki launafólks fyrir frelsi, réttlæti, jöfnuði og virðingu fyrir öllu launafólki!
