Jónas spurði Jakob að þessu á Facebook-síðu þess síðarnefnda.
„Jakob segðu mér eitt þar sem einn helsti stjórnmálaskýrandi íslensku fjölmiðlastéttarinnar. Hvert væri fylgi Miðflokksins ef að Klausturmálið hefði ekki komið upp? Væru þeir þá nú í 20% eða kannski bara 10%? Samkvæmt skoðanakönnunum eru þeir nú með ca 12%. Getur verið að þeir hafi ekki misst neitt fylgi vegna þessa skandals – eða hafa þeir kannski aukið fylgið sitt? Nú er stórt spurt.“
Jakob svarar Jónasi og segir Miðflokkinn hafa grætt á Klausturmálinu. Hann kallar þetta Trumpeffect eða Trump-áhrifin í höfuðið á Bandaríkjaforsetanum Donald Trump.
„Ekki spurning. Þetta er svokallaður Trump-effect. Bjálfalegir taktar eru yfirkeyrðir með yfirgengilegri vandlætingu sem þá snýst upp í andhverfu sína. Almenningur hefur meiri skömm á viðbrögðunum sem eru ekki í takti við tilefnið. Ef þú átt of æsta vini á yfirsnúningi þá þarftu enga óvini.“
Jónas spyr þá hvort þessir yfirkeyrðu taktar ættu ekki að auka á fjölda óákveðinna en Jakob segir þetta þá vera eins og með listina.
„Það verður að vera túlkunarrými. Hávær hópur, miklu minni en öskrin og lætin gefa til kynna, linnir ekki látunum og vill troða sinni vandlætingu niður um kok almennings þá kemur að því að fólk hugsar: Æji, þegiðu. Framkoma þeirra var til skammar en hver og einn getur sett sig í þau spor að segja eitthvað sem betur hefði verið ósagt í glasi og hvað þá þegar um er að ræða leynilega upptöku. Og þegar fólki er sagt látlaust aftur og aftur hvað því á að finnast þá fer það að virka öfugt. Ég held að það hafi komið það móment í þetta mál.“