Tilbreyting í kynlífinu er mikilvæg til að halda kynlífssamböndum ferskum og spennandi. Bæði karlar og konur örvast kynferðislega af nýungum… þess vegna er grasið nú oft grænna hinum megin við girðinguna. Ef fólk í samböndum ætlar að halda lostanum á lífi er því eins gott að huga að þessu áður en rútínan drepur kynlífið. Hér eru nokkrar hugmyndir að spennandi tilbreytingum sem gætu hrist aðeins upp í hlutunum.
Í kvöld færð þú að ráða en á morgun snýst það við. Sá sem ræður ákveður ALLT og hinn þarf að hlýða. Til þess að þetta verði skemmtilegt fyrir báða þarf vissulega að vera búið að ræða um mörk – hvað má og hvað má ekki – og að sjálfsögðu er gott að hafa augu og eyru opin á meðan kynlífsleikurinn stendur yfir. Ef þig hefur alltaf dreymt um að fá að sleikja konuna þína í klukkutíma, en hún aldrei nennt að hafa þig milli fótanna lengur en korter er þetta gullið tækifæri!
Prófið að láta vekjaraklukkuna hringja um miðja nótt og byrjið tafarlaust að kela og knúsast og nuddast og njótast. Gerið þetta helst þegar það er frí daginn eftir!
Léttar bindingar geta verið skemmtilegar. Sá bundni verður bara að gjöra svo vel að slaka á og njóta. Þetta þarf ekki að vera flókið eða útheimta innkaupaferð í Byko. Prófið að nota trefla eða klúta, samt ekki silkiklúta því hnútarnir eiga það til að herðast svo hrottalega að þeir verða varla leystir, og ekki nota neitt sjúklega dýrmætt sem þú myndir ekki tíma að klippa. Ekki herða neitt að hálsi og ekki binda svo fast að þú truflir blóðflæði.
Það er nefnilega til! Alltof margir eru gjörsamlega samfaramiðaðir í kynlífi sínu en undir þeim kringumstæðum vill gleymast að líkamar okkar eru meira en bara kynfærin. Notið hendur, munn, fætur og allt hina líkamshlutana sem gaman er að gæla við. Samfarir eru bannaðar og þær hömlur ættu að kveikja á sköpunargleðinni.
Deilir þú rúmi með einhverjum sem á erfitt með að vakna á morgnana? Prófaðu að vekja hann/hana með munngælum.
Prófið að skrifa handrit og leikið það svo í svefnherberginu. Hér er tækifæri til þess að máta ýmiss konar hlutverk sem mega alveg vera órafjarri raunveruleikanum. Kannski hefur þig alltaf dreymt um að leika stöðumælavörð sem hefur skyndisamfarir við prest, eða húsþrifakarl sem serðir seiðkonu. Hlutverkaleikir eru framlenging á kynórum og bráðskemmtileg iðja fyrir skapandi kynverur.
Lesið erótískar sögur hvort/hver/hvor fyrir annað/aðra/annan. Kannski eru einhverjar blautlegar bókmenntir til á heimilinu en ef ekki er tilvalið að kíkja á síður eins og literotica.com. Þeir sem finna sköpunarþörfina ólga innra með sér ættu endilega að prófa að stinga niður penna og skrifa sína eigin erótík.
Það er ljómandi skemmtilegt að fróa sér saman. Eða skiptast á að horfa á hvort/hverja/hvorn annað/aðra/annan. Ef athyglisgáfan er í lagi er hægt að komast að alls konar lostaleyndarmálum um hinn aðilann og nýta þau síðar í ástarleikjum. Sjálfsfróun er persónuleg reynsla sem við stundum yfirleitt í einrúmi – þannig er þetta fyrirtaks leið til að auka nánd milli elskenda.