Fata- og textílhönnuðirnir Anita Hirleklar og Magnea Einarsdóttir opnuðu nýja konsept-verslun við Garðastræti 2 á laugardag. Anita og Magnea eru í hópi fremstu hönnuða landsins en í versluninni verður boðið upp á vörur frá þeirra merkjum.

Magnea útskrifaðist Central Saint Martins-skólanum í London árið 2012 og hefur því starfað sem fatahönnuður í um fimm ár. Í viðtali við Fréttatímann fyrir skemmstu sagði Magnea að hún hefði starfað sjálfstætt frá því að hún flutti heim árið 2012 og vinnur hún nú að því að koma hönnun sinni á stærri markað en þann íslenska.

Leiðir þeirra Anitu og Magneu lágu einmitt saman í London þar sem Anita lagði áherslu á prent en Magnea á prjón. Þær hafa báðar verið tilnefndar til Hönnunarverðlauna Íslands fyrir verk sín.

Listakona Myndlistakonan Auður Ómarsdóttir stendur við eitt verka sinna sem er til sýnis í versluninni. Auður skapaði rýmið fyrir opnunina á laugardag, en hún vinnur með fjölbreytta miðla í list sinni, allt frá málverki til kvikmynda.

Gaman Jóhanna og Guðrún létu sig ekki vanta á opnunina og skemmtu sér vel.