Áfengisfrumvarpið myndar enn á ný mikla umræðu og snörp skoðanaskipti í samfélaginu og hvergi meiri en á samfélagsmiðlum þar sem fólk á öndverðum meiði tekst á og stutt er í öfgarnar í báðar áttir. Síðan eru þeir sem sjá kómísku hliðar málsins og reita af sér brandara yfir umræðunni. Einn þeirra er Kastljósstjarnan Helgi Seljan sem í vikunni hefur velt fyrir sér öðrum hliðum frumvarpsins, á léttu nótunum.

„Pælir enginn í því hversu margir munu geta keyrt fullir og komist upp með það, þegar þeir geta keypt Smint og hálsbrjóstsykur með Vodkanu?“

Þá sér Helgi líka kosti frumvarpsins.

„Karlar munu verða duglegri að versla í matinn. Konurnar fá meiri tíma til að snyrta sig og lesa dönsku blöðin,“ segir kaldhæðin Kastljósstjarnan.