Tónlistarfólkið Bjarki Ómarsson (Bomarz) og Svala Björgvinsdóttir gáfu í síðustu viku út nýtt lag og myndband, Skin 2 Skin, en þau eiga gott samstarf í tónlistinni.

Þau eiga lag í Söngvakeppni Sjónvarpsins í ár, sem Þórdís Imsland syngur, komu fram í DV tónlist föstudaginn 1. febrúar  og fleiri verkefni eru á döfinni.

„Lagið Skin 2 Skin fjallar um glænýja ást sem heltekur mann. Allar þær brjáluðu og skemmtilegu tilfinningar sem blossa upp þegar maður er ástfanginn,“ segir Svala og aðspurð segja þau að þau muni semja meira saman, en plata sé þó ekki á leiðinni.