Paul Pogba miðjumaður Manchester United virðist keyra eins og brjálæðingur, ef marka má miða sem var settur á bílinn hans.

Pogba skildi eftir Rolls Royce Wraith bílinn sinn á lestarstöð í Wilmslow. Um er að ræða úthverfi Manchester.

Pogba skellti sér til London á sunnudag og skildi 45 milljóna króna bílinn sinn eftir á lestarstöð. Þar fékk hann sekt fyrir að borga ekki í stöðumæli.

Þá var settur miði á bílinn hans. ,,Hættu að keyra eins og rasshaus,“ var skrifað á miðann.

Pogba fékk 60 punda sekt sem er um 10 þúsund krónur, hann ætti að hafa efni á að borga hana enda með meira en 20 milljónir króna í vasa sinn á viku.

Myndir af þessu eru hér að neðan.