Harry Kane, sóknarmaður og besti leikmaður Tottenham gæti misst af næstu sjö leikjum liðsins vegna meiðsla á ökkla.
Kane meiddist í tapi liðsins gegn Manchester United á sunnudag en meiðsli á ökkla koma reglulega upp hjá honum.
Tottenham má illa við því að missa Kane út en Heung-Min Son missir einnig af næstu leikjum. Hann er að taka þátt í Asíu leikunum.
Fernando Llorente er því eini sóknarmaður liðsins þessa stundina, auk Vincent Jansen sem hefur ekki spilað sekúndu á þessari leiktíð.
Mauricio Pochettino gæti farið fram á það að Tottenham versli sér framherja á allra næstu dögum til að þétta raðirnar.
Leikirnir sem Kane gæti misst af:
Fulham vs Tottenham
Chelsea vs Tottenham
Crystal Palace vs Tottenham
Tottenham vs Watford
Tottenham vs Newcastle
Tottenham vs Leicester
Tottenham vs Borussia Dortmund
