Tottenham gæti neyðst til að selja Christian Eriksen í sumar ef ekki tekst að ná samkomulagi um nýjan samning.

Samningur Eriksen rennur út sumarið 2020 og verður því bara eitt ár eftir af honum næsta sumar. Tottenham vonast til að hann framlengi.

Viðræður við umboðsmann Eriksen hafa hins vegar ekki borið árangur og veit Mauricio Pochettino, stjóri Tottenham ekki hvernig málið fer.

,,Ég er ekki maður sem pæli of mikið í þessum hlutum, stundum eru hlutir sem þjálfarar geta ekki stjórnað,“ sagði Pochettino en Eriksen er orðaður við Manchester United og fleiri stórlið.

,,Þetta fer eftir ýmsu, Eriksen er mikilvægur leikmaður fyrir Tottenham og sem þjálfari þá vil ég halda þannig leikmanni.“

,,Þetta eru viðræður og það eru nokkrir aðilar að borðinu, það væri frábært ef Eriksen myndi framlengja. Ef hann gerir það ekki þá hefur hann rétt á því.“

,,Hann er ánægður hérna, hann legur sig fram. Það sem gerist á milli hans og félagsins er ekki í mínum höndum.“

Pochettino sjálfur er orðaður við Manchester United en liðið mun ráða stjóra til framtíðar næsta sumar.