Sjónvarpsmaðurinn Auðunn Blöndal fagnaði á sunnudag miklum tímamótum en þá voru liðin fimmtán ár síðan fyrsta atriði hans í sjónvarpsþáttunum 70 mínútum var tekið upp.
Vakti hann athygli á þessu á Facebook-síðu sinni og þakkaði þar Sigmari Vilhjálmssyni, fyrrverandi þáttastjórnanda á PoppTíví og hamborgarafrömuði, og Birni Þóri Sigurðssyni, fyrrverandi dagskrárstjóra stöðvarinnar, fyrir að hafa gefið honum tækifærið stóra.
„Sérstaklega fyrir að gefa gaur frá Sauðárkróki með strípur á rauðum Hyundai Coupe séns,“ sagði Auðunn.
