Mauricio Pochettino knattspyrnustjóri Tottenham vill ekki sjá neinar myndir úr klefanum af fögnuði fyrr en lið hans vinnur titla.
Með þessum orðum er Pochettino að skjóta á leikmenn Arsenal sem fögnuðu eins og þeir hefðu orðið Heimsmeistarar um helgina. Leikmenn Arsenal dældu út myndum eftir sigur á Tottenham á sunnudag.
,,Ef þú vinnur bikar eins og ég gerði sem leikmaður, þá er tilefni til þess að fagna,“ sagði Pochettino.
,,Þá getur þú sýnt stuðningsmönnum að þú sért ánægður, þetta þarf að vera sérstakt tilefni.“
,,Ég veit að fólk hefur breyst, ég veit að þetta er nýr heimur. Ég er af gamla skólanum, ég kann ekki vel við svona myndir.“
,,Þannig er mitt hugarfar, ég veit af tækninni en ég reyni að halda henni í burtu.“
