Napoli 1-1 Roma
0-1 Stephan El Shaarawy(15′)
1-1 Dries Mertens(90′)
Það fór fram stórleikur á Ítalíu í kvöld er lið Napoli fékk Roma í heimsókn á Stadio San Paolo.
Napoli gat minnkað forskot Juventus niður í fjögur stig með sigri en lenti undir mjög snemma leiks.
Stephan El Shaarawy kom Roma yfir strax á 15. mínútu leiksins og útlitið ansi bjart fyrir gestina.
Eftir markið var Napoli mun sterkari aðilinn og ógnaði marki gestanna raun allan leikinn.
Jöfnunarmarkið kom svo á lokamínútu venjulegs leiktíma er varamaðurinn Dries Mertens skoraði og tryggði Napoli stig á heimavelli.
Juventus er nú með sex stiga forystu á Napoli sem er í öðru sætinu en Roma er heilum 13 stigum frá meisturunum.
