Mike Ashley eigandi Newcastle er afar umdeildur maður og stuðningsmenn félagisns þola hann varla.
Ashley hefur lengi reynt að selja félagið en verðmiði hans hefur verið alltof hár.
Rafa Benitez stjóri Newcastle hefur kvartað undan því að geta ekki styrkt leikmannahóp sinn nóg.
Newcastle er stórt félag en eyðsla félagsins er lítil miðað við það.
Benitez fékk litla fjármuni frá Ashley í sumar og í stað þess að nota peninga í leikmannakaup þá ákvað Ashley að greiða sjálfum sér 10 milljónir punda út úr félaginu.
Newcastle er í neðsta sæti ensku úrvalsdeildarinnar og útlitið hjá þessu stóra félagi er ekki bjart.
