Athafnakonan Ellý Ármanns slær ekkert af í málaralistinni, en myndirnar sem hún málar eru varla þornaðar á striganum þegar þær eru seldar. Myndirnar sem hún hefur málað og auglýst nýlega eru töluvert erótískari en fyrri myndir hennar.

Sumum finnst Ellý færa sig upp á skaftið með myndunum, en flestum líkar erótíkin vel.

„Ég bara teikna það sem er í gangi, þetta getur verið ég, þetta getur verið fantasía,“ segir Ellý.
Ég kann ekki við að tagga kærastann minn þegar ég er að birta þær á netinu, þetta er list.“

Kærastinn er Hlynur Jakobsson, dj og einn af eigendum Hornsins, en Ellý birti erótíska mynd af þeim á Instagram þegar þau voru nýbyrjuð saman. Myndin var síðar fjarlægð, enda samfélagsmiðlar oft viðkvæmir fyrir erótík.

Ellý hefur fengið góð viðbrögð við nýju myndunum og er þegar búin að selja nokkrar. Kaupendur, aðdáendur og gagnrýnendur geta haldið áfram að velta fyrir sér hvort Ellý er að mála sjálfa sig með Hlyni, eða ekki, en Ellý er alveg sama um gagnrýnisraddir, hún er upptekin við að mála.