

Erlendur ferðamaður er mikið slasaður eftir að hafa fallið í Skjálfandafljót við Goðafoss. RÚV greinir frá.
Samkvæmt heimildum DV er möguleiki að maðurinn hafi runnið til á svelli og fallið í fljótið.
Fram kemur í frétt RÚV að maðurinn hafi verið keyrður á sjúkrahús á Akureyri í sjúkrabíl. Þyrla Landhelgisgæslunnar flaug norður og er hugsanlegt að maðurinn fari um borð í þyrluna og verði fluttur á Landspítalann.
Lögreglu barst tilkynning um slysið á þriðja tímanum í dag og voru björgunarsveitir kallaðar út í kjölfarið. Þeim aðgerðum er nú lokið á vettangi.