Nokkrir frambjóðendur Pírata fóru í vettvangsferð á Litla-Hraun á miðvikudag til að ræða við fanga sem þar afplána. Frá þessu greindi Gunnar Hrafn Jónsson, frambjóðandi Pírata í Reykjavíkurkjördæmi suður, á Facebook-síðu sinni.
Sagði Píratinn þar að það hefði komið honum á óvart að heyra að enginn annar stjórnmálaflokkur hefði séð sér fært að heimsækja fangelsið í aðdraganda alþingiskosninga þrátt fyrir mörg aðkallandi vandamál tengd fangelsismálum.
