Sara Heimisdóttir opinberaði í vikunni að hún væri byrjuð með bandarískum vaxtarræktarmanni að nafni Chris Miller. Sara birti mynd af þeim á Instagram-síðu sinni og langa ástarjátningu til Chris.

Þakkaði hún honum fyrir að gefa henni ástæðu til að horfa björtum augum til framtíðar. Sara skildi fyrr á árinu við líkamsræktartröllið Rich Piana en þau giftu sig fyrir rúmu ári.

Sara, sem er virk á samskiptamiðlinum Snapchat, birti þar mynd af nýjum og glæsilegum bíl sem hún var að fá sér á dögunum. Um er að ræða glæsilegan pallbíl sem hún ætlar að láta sprauta bleikan.