Sjónvarpsmaðurinn Logi Bergmann Eiðsson var kynnir á Hrútadeginum 2016 sem haldinn var á Raufarhöfn um síðustu helgi. Logi fékk þar kennslu í hrútaþukli og fylgdist með rúningsköppum sýna réttu tökin.
Herlegheitin enduðu svo með hrútauppboði og vali á kótelettuhrútnum sem Kótelettufélagið stóð fyrir.
Logi mætti svo um kvöldið í félagsheimili þorpsins til að kynna dagskrá Hrútadagsballsins og að sögn viðstaddra var augljóst að borgarbarnið skemmti sér vel.
