„Við sem Íslendingar eigum bara að líta á þetta þannig: Þetta gæti orðið síðasti leikurinn okkar á HM í mjög langan tíma, við þurfum sem stuðningsmenn að skilja allt eftir í stúkunn. Ég vil ekki sjá kjaft sitjandi eða þegjandi. Við þurfum að taka þetta allan (píp!) tímann.“
Þetta sagði dyggur Tólfumaður og stuðningsmaður íslenska landsliðsins í viðtali við 433.is á Fan Zone í dag. Tólfan var mætt á svæðið og var í miklu stuði, eðli málsins samkvæmt, enda einn mikilvægasti leikur sem Ísland hefur spilað framundan.
„Við vinnum, það er nóg fyrir mig og við förum áfram. Sem Íslendingur verðurðu að spá því, við erum jákvæðasta þjóð í heimi; með ömurlegt veður, ömurlegan gjaldmiðil, ömurlega stöðu húsnæðismála en við erum alltaf jákvæð. Það er eitthvað stórkostlega mikið að okkur held ég.“
Þeir Íslendingar sem heimsótt hafa Rússland bera landinu flestir góða söguna. „Þetta er bara frábært land. Ég sagði áður en ég kom hingað að flestir íslenskir stuðningsmenn ættu eftir að hafa allt aðra mynd af Rússlandi eftir þessa ferð. Ég held að það verði bara raunin. En við verðum að viðurkenna það að þetta er hugsanlega bara eitthvað leikrit. En þetta er fallegt land, hinn almenni borgari er ekkert nema vinleigheitin og engin vandræði. Allir til í að hjálpa.“
Viðtalið má sjá hér að neðan en þar er einnig rætt við fleiri íslenska stuðningsmenn sem voru á Fan Zone.
https://www.facebook.com/www.dv.is/videos/10156765857178322/?t=266
