Hörður Snævar Jónsson skrifar frá Rússlandi:

Það er spáð gríðarlegum hita þegar Ísland og Króatía eigast við í síðasta leiknum í riðlakeppni Heimsmeistaramótsins á þriðjudag.

Spáð er janfvel meiri hita en var í Volgograd gegn Nígeríu en hann virtist ná aðeins til íslenska liðsins þegar líða tók á leikinn.

Leikmenn hafa þó ekki áhyggjur af þessu enda geta þeir ekki breytt þeim aðstæðum og verða að gera það besta úr þeim.

,,Ég er ferskur, vanur að spila hita í Ítalíu. Ég held að þessi hiti fari ekkert svakalega vel í bæði lið, adrenalínið tekur yfir. Það er mikið undir, menn eiga eftir að keyra sig út. Ég hef ekki neinar áhyggjur, það er aukaatrið þessi hiti,“ sagði Emil Hallfreðsson um málið.

Kári Árnason tók í sama streng og segir að sjúkrateymi liðsins sjá til þess að allt verði í lagi.

,,Við erum líka með frábært sjúkrateymi sem vinnur myrkranna á milli. Þeir eiga mikið hrós skilið. Það eru bæði lið að spila í þessum hita og þetta er algjört aukaatriði.“