Miðjumaður íslenska landsliðsins, Rúrik Gíslason, hefur heillað heimsbyggðina, þó kannski aðallega kvenpeninginn, enda einstaklega myndarlegur maður.
Fylgjendum hans á Instagram hefur fjölgað gríðarlega síðan HM byrjaði. Fyrir leik Íslands gegn Argentínu voru þeir aðeins 30 þúsund. Þegar þetta er skrifað 4 dögum síðar eru fylgjendur Rúriks orðnir 705 þúsund og fer bara fjölgandi. Á Coolbet.com má meira að segja veðja á hvort að fylgjendur fara yfir 1 milljón áður en mótið er úti.
Til gamans má geta þess að forsíðumynd Rúriks á Instagram tók enginn annar en ljósmyndari DV, Hanna Andrésdóttir, en myndina tók hún á Laugardalsvelli á æfingu sem opin var fyrir fjölmiðla til viðtals og myndatöku þann 24. maí síðastliðinn.
