Fannar Sveinsson oftast kenndur við Hraðfréttir en annar stjórnandi morgunþáttarins Góðan daginn á Rás 2 féll út um glugga á Kalda bar í gærkvöldi. Fannar slasaðist við fallið og var fluttur með sjúkrabíl á Landspítalann þar sem gert var að sárum hans. Fréttatíminn greinir frá þessu.

Fannar lýsir því í samtali við Fréttatímann að hann hafi sest á gluggakarm en næsta sem hann vissi var að hann hafðu dottið út um gluggann en fallið er um 1,6 metrar. Þar datt Fannar á borð og fékk skurð á höfuðið. Var hann fluttur á spítala með sjúkrabíl.

Á bráðamóttöku var gengið úr skugga um að hann hefði hvorki hálsbrotnað eða blætt inn á heila en sauma þurfti nokkur spor í höfuð hans. Á Fréttatímanum má sjá myndir og myndband af því þegar gert var að sárum hans. En Fannar þarf að taka því rólega næstu daga.