Stjórnarflokkarnir þrír koma til að með að skipta öllum fastanefndum þingsins á milli sín. Til stóð að Sjálfstæðisflokkurinn fengi fimm fastaformenn, Viðreisn og Björt framtíð skiptu með sér einni formennsku og stjórnarandstaðan tvo formenn. Í viðræðum meirihluta og minnihluta um málið var meirihlutinn tilbúinn að gefa eftir eina formennsku til viðbótar með því skilyrði að Lilja Alfreðsdóttir varaformaður Framsóknarflokksins yrði formaður efnahags- og viðskiptanefndar. Stjórnarandstaðan féllst ekki á þetta, sagði Birgitta Jónsdóttir þingflokksformaður Pírata það óþægilegt að meirihlutinn hafi verið að skipta sér að skipun formanna á vegum minnihlutans. Bjarni Benediktsson forsætisráðherra og formaður Sjálfstæðisflokksins sagði í gær að stjórnarflokkarnir hefðu verið tilbúnir að fela stjórnarandstöðunni formennsku í fleiri fastanefndum, en það hafi verið stjórnarandstöðuflokkarnir sem hafi ekki getað komið sér saman um hvað ætti að falla í hvers hlut.

Nú eru nefndirnar að koma saman og hver nefnd fyrir sig kosið formann. Stjórnarflokkarnir eru með fimm fulltrúa í hverri nefnd á móti fjórum fulltrúum stjórnarandstöðu.

Af átta fastanefndum Alþingis fara þingmenn Sjálfstæðisflokksins með formennsku í sex nefndum, Viðreisn í einni nefnd og Björt framtíð í einni. Konur fara með formennsku í helmingi nefndanna. Tveir formenn koma úr Suðurkjördæmi, en nokkur titringur var innan Sjálfstæðisflokksins með að enginn ráðherra kæmi úr kjördæminu.

Óli Björn Kárason þingmaður Sjálfstæðisflokksins í Suðvesturkjördæmi er formaður efnahags- og viðskiptanefndar. Jón Steindór Valdimarsson þingmaður Viðreisnar er 1. varaformaður og Vilhjálmur Bjarnason þingmaður Sjálfstæðisflokksins 2. varaformaður.

Nichole Leigh Mosty þingmaður Bjartr­ar framtíðar í Reykjavík Suður er formaður vel­ferðar­nefnd­ar. Vil­hjálm­ur Árna­son þingmaður Sjálf­stæðis­flokks er 1. vara­formaður nefnd­ar­inn­ar og Ólöf Nor­dal, þingmaður Sjálf­stæðis­flokks 2. vara­formaður.

Val­gerður Gunn­ars­dótt­ir þingmaður Sjálf­stæðis­flokksins í Norðausturkjördæmi er formaður um­hverf­is- og sam­göngu­nefnd­ar. Pawel Bartoszek þingmaður Viðreisn­ar er 1. vara­formaður nefnd­ar­inn­ar og Bryn­dís Har­alds­dótt­ir þingmaður Sjálf­stæðis­flokks 2. vara­formaður.

Har­ald­ur Bene­dikts­son þingmaður Sjálf­stæðis­flokksins í Norðvesturkjördæmi er formaður fjárlaganefndar. Hanna Katrín Friðriks­son þingmaður Viðreisn­ar er1. vara­formaður og Theo­dóra S. Þor­steins­dótt­ir þingmaður Bjartr­ar framtíðar 2. vara­formaður.

Páll Magnússon þingmaður Sjálfstæðisflokksins í Suðurkjördæmi er formaður atvinnuveganefndar. Ásmundur Friðriksson þingmaður Sjálfstæðisflokks 1. fyrsti varaformaður og Hanna Katrín Friðriksson þingmaður Viðreisnar 2. vara­formaður.

Jóna Sólveig Elínardóttir varaformaður og þingmaður Viðreisnar í Suðurkjördæmi er formaður utanríkismálanefndar. Vilhjálmur Bjarnason þingmaður Sjálfstæðisflokks er 1. varaformaður nefndarinnar.

Áslaug Arna Sigurbjörnsdóttir þingmaður Sjálfstæðisflokksins í Reykjavík Norður er formaður allsherjar- og menntamálanefndar. Nichole Leigh Mosty þingmaður Bjartrar framtíðar er 1. varaformaður nefndarinnar.

Brynjar Níelsson þingmaður Sjálfstæðisflokksins í Reykjavík Suður er formaður stjórnskipunar- og eftirlitsnefndar. Jón Steindór Valdimarsson þingmaður Viðreisnar er 1. varaformaður og Njáll Trausti Friðbertsson Sjálfstæðisflokki 2. varaformaður.

Ari Brynjólfsson – ari@pressan.is