Ríkisstjórnin er vikugömul í dag, segir Björn Valur Gíslason, varaformaður VG og fyrrv. þingmaður, í pistli á heimasíðu sinni þarsem hann bregður sínu ljósi á dagsverk ríkisstjórnarinnar og þá helst það sem honum virðist annaðhvort koma á óvart eða alls ekkert á óvart, þótt óþægilegt sé. Hann segir að Sigríður Andersen hafi byrjað daginn á að boða hertar aðgerðir gegn hælisleitendum. Svo segir hann Sendiherra Breta telja góða möguleika á samstarfi við Ísland eftir Brexit, þarsem ríkisstjórnin sé í Brexitliðinu. Svo skrifar hann um þá frændur og utanríkisráðherrann:

Guðlaugur Þór Þórðarson utanríkisráðherra fagnar mjög útgöngu Breta úr ESB og sér tækifæri í því fyrir Ísland og reyndar heiminn allan.

Benedikt Jóhannesson fjármálaráðherra vill aukið gagnsæi í bókhaldi ríkisins og boðar einkavæðingu bankanna.

Bjarni Benediktsson forsætisráðherra neitar að mæta fyrir þingnefnd til að ræða skattaskjólsskýrsluna sína.

Ráðherrann viðurkennir klúður fyrri ríkisstjórnar

Dag 6 hafði Björn Valur talið rólegan dag hjá stjórnarliðinu Þó ekki alveg dauðan.

Dag 4 og 5 hafði Björn Valur verið sérstaklega ánægður með fjármálaráðherrann Benedikt Jóhannesson. Björn Valur segir að ráðherrann sjálfur hafi viðurkennt að síðasta ríkisstjórn hafi keyrt heilbrigðiskerfið að þolmörkum. „Ráðherrann segir að það verði að setja meiri peninga í kerfið en nefnir ekki hvaðan þeir peningar eigi að koma,“ skrifar Björn.

Þá segir hann Birgi Ármannsson, þingflokksformann sjálfstæðismanna, hafa sagt að ef Sjálfstæðisflokkurinn fái ekki sitt við skipan í þingnefndir munu þeir knýja það í gegn með aðstoð Bjartrar framtíðar og Viðreisnar.

Þá hafi Jón Steinþór Valdimarsson, þingmaður Viðreisnar, viðurkennt að flokkurinn hafi fallið frá kröfu sinni um þjóðaratkvæðagreiðslu um ESB

Börkur Gunnarsson gerði útdráttinn.