Það er ekki alltaf friður og ró hjá kisunum í Keeping up with the Kattarshians, enda getur ýmislegt komið upp á í heimi raunveruleikasjónvarps. Þetta uppátæki Kattholts og Nútímans er eflaust vinsælasti raunveruleikaþáttur Íslands – og ábyggilega vinsælasti raunveruleika þáttur heims þar sem kettlingar eru kenndir við Kardashian fjölskylduna.
Óvænt og óborganlegt atvik átti sér stað í morgun þegar kettlingarnir, sem kunna best að lúra og leika sér, náðu að krækja klónum í snúru sem tengist einni myndavélinni. Leikurinn varð svo spennandi að kettlingarnir rifu myndavélina niður og rofnaði því útsending frá því sjónarhorni um stund.
Hér má sjá þetta skemmtilega augnablik:
