Ewan McGregor er nú með fegurri mönnum á jarðkringlunni – eða hvað? Fyrsta myndbrotið úr þriðju seríu Fargo gæti haft áhrif á þessa fullyrðingu. Brotið var birt á Twitter síðu þáttanna á dögunum. Það er óhætt að segja að fegurðarprinsinn Ewan sé óþekkjanlegur í því. Ásamt honum sjást leikkonurnar Mary Elizabeth Winstead og Carrie Coon.
Never ignore the warning signs. #Fargo's all new story begins April 19 on @FXNetworks. pic.twitter.com/LcoOKm2CVk
— Fargo (@FargoFX) March 6, 2017
Í þriðju þáttaröðinni af þessum vinsælu sjónvarpsseríum leikur Ewan reyndar tvö hlutverk, tvíburabræðurna Emmit og Ray Stussy. Emmit er myndarlegur fasteignasali sem hefur notið velgengni á markaðnum í Minnesota, en Ray er subbulegur skilorðsfulltrúi sem kennir bróður sínum um eigin óheppni í lífinu.
